Sunday, April 26, 2020

April Is National Poetry Month!


April Is National Poetry Month!

A poet, a writer, folklorist, singer, playwright, an actor, comedienne, and an educator. An influential Jamaican figure, who opted to use her native tongue, performing in patois. Instilling pride into the Jamaican language and culture and arousing a proudness within the Jamaican people.

Today I spotlight THE HONOURABLE LOUISE SIMONE BENNETT- COVERLY O.M O.J M.B.E DIP R.A.D.A Litt (Hon)

DUTTY TOUGH
MISS LOU


Sun a shine but tings no bright;
Doah pot a bwile, bickle no nuff;
River flood but water scarce, yawl
Rain a fall but dutty tough.

Tings so bad dat nowadays when
Yuh ask smaddy how dem do
Dem fraid yuh tek tell dem back,
So dem no answer yuh.

No care omuch we da work fa
Hard-time still een wi shut;
We dah fight, Hard-time a beat we,
Dem might raise wi wages, but

One poun gawn awn pon we pay, an
We no feel no merriment
For ten poun gawn pon wi food
An ten pound pon we rent!

Saltfish gawn up, mackerel gawn up.
Pork en beef gawn up,
An when rice and butter ready
Dem jus go pon holiday!

Claht, boot, pin an needle gawn up
Ice, bread, taxes, water-rate
Kersine ile, gasolene, gawn up;
An de poun devaluate

De price of bread gone up so high
Dat we haffi agree
Fi cut we yeye pon bred an all
Turn dumplin refugee

An all dem marga smaddy weh
Dah gwan like fat is sin
All dem-deh weh dah fas wid me
Ah lef dem to dumpling!

Sun a shine an pot a bwile, but
Things no bright, bickle no nuff
Rain a fall, river dah flood, but,
Water scarce an dutty tough.


No comments:

Post a Comment